بكـــــــــــــــــــيت وهل بكاء القلب يجـــــــــــــــدي؟..
فراق احبــــــــــتي وحنيـــــــــــن وجدي!!
فما معنــــــــــــى الحيــــــــــــاه اذافتــــــرقنا,,؟؟
وهل يجــــــــــــدي النحيــــــــــــــب فلست ادري!!
فلا التــــــــــــذكار يرحمني فأنســــــــــى,,,
ولا الأشواق تتـــــــــــــركني لنـــــــــــــومي,,,
فراق احبــــــــــــــتي كم هزّ وجـــــــــــدي,,
وحتى لقــــــــــــائهم سأظـــــــــــل ابكــــــــــــــــــي,,
قصائد فراق تعبت اكتم قهر حبي و اعاند كل حسادي
ولا ودي احد يدري عن حياتي وش جرى فيها
انا في يوم حبيتك..احسه يوم ميلادي
قصايد قلتها لجلك كتبتك في قوافيها
اذا مات الامل فيني يظل الشوق بفؤادي
وتبقالي حروف اسمك
قصيده دوم اغنيها
وينك؟
عفت هذا العمر بعدك
عفت درب مايجيلك
عفت عالم ماتحكمه عيونك
وينك؟؟
يافرح يومي وأمسي
يادفى نبضي وهمسي
كل دقه في خفوقي
كل لحظه فيها شوقي
"تحترق"بلهفة عيوني
وينك؟!!
أنا تعلمت الهوى تحت يمناك..
درست معنى العشق حسب اختياري..
مبغاك تعشقني ولكني أبغاك..
لاضاقت الدنيا تصير داري..
وابيك لامني تزاعلت وياك
ترضي غروري قبل أجيب اعتذاري..
وابيك تدري لو أحاول بفرقاك
إني بحاول قبلها بانتحاري..!
لو بغيت أصد عنك ماقويت
وإن بغيت افارقك قلبي خفق
من يقول اني على هجرك نويت
قله ان قلبي بحبك محترق
وقله اني في محبتك اعتليت
رافع الهامه على حد الشفق
وقله اني في بحر حبك رسيت
فوق مجداف الهوى قلبي غرق
سلام من روح تحبك يا شاغل الافكار
سلام من قلب من سبايبك أشعلت ناره
أبكتب قصيدة حب تبقى بيننا تذكار
فيها الحب عنوان وأجمل عبارة
لو جيت أوصف غلاك فيك المعاني تحتار
مثل ما حير الناس صور الصين وبرج التجارة
ما أقول حبك مثل البحر لأن البحر غدار
وأنت الوفا طبعك ومسكنك واستدارة
أحبك كثر من على الكون وكثر ما دار
أشتاق لك شوق السجين لأحبابه زيارة
يهون الموت من بعدك والموت أبختار
وإفراقك أعظم مصيبة لي وأكبر خسارة
/
/
/
ابيات فراق قصيرة حزينة
عقب البطا لاقيت ظافي الجديلات = ياليتنا عقب البطا ماالتقينا
سلمت وقلت لنور عيني سلامات = وش غيًرك ويش السبب ما تبينا
دنق وقال ارجوك إنه العلاقات = شيٍ حصل ماعاد هو في يدينا
قلت السبب قال الليالي غريبات = إنه العلاقه واعتبرنا انتهينا
انا بحبل انسان ماهي دعايات = ارجوك ابعد خايف انًه يجينا
طالعت فيه وهلت العين عبرات = في ساعةٍ غصبٍ علينا بكينا
حاولت اعبر عن همومٍ خفيات = بس الحكي شيفيد مهما حكينا
كتمتهن بالجوف لوهن قويات = راضي على ماصار لو مارضينا
وآخر كلامه قال لي كم كلمات = لاتسيء ضنك في غصبٍ علينا
ولف العباه وراح وانا بحسرات = فرقاًجرت من غير ذنبٍ جنينا
وقفت اخايل غض الأنهاد لحظات = فيهن تهدم كل شيٍ بنينا
وقمت اتذكر كل شيٍ لنا فات = قبل ايتغير بالمحبه حدينا
ياما سهرنا بأظلم الليل ساعات = وياما طلع نور الفجر مادرينا
وياما لنا فوق المراقيب ذكرات = وعلى جبال الزور ياما رقينا
وياما تحملنا الصعوبات مرات = وياما على سود الليالي شكينا
على زمانٍ فات جريت ونات = لو هن على ضلعان مكه تلينا
اقرا الموادع بالقصص والروايات = لاشك ماضنيت بيصير فينا
وارجع واكرر كلمةٍ لي بسكات = ياليتنا عقب البطا ماالتقينا
الــــــــــــــــــجزء الثــــــــــــــــــاني
تكررت عقب البطا والتقينا = من عقب مامرن سنينٍ طويلات
في صدفةٍ فيها حشا مادرينا = ولاهقينا نلتقي عقب مافات
لاشك جابتها الليالي وجينا = رغم الفراق ورغم ذيك المسافات
في موقٍف بان التوتر علينا = لحظه تلين إبها القلوب القويات
قالت شلونك قلت ربك عوينا = الحمد لله عاضني عقب لوعات
الله رزقني في هنوفٍ تبينا = احيت خفوقٍ كان بعداد الأموات
هي نور عيني فرحتي والضنينا = ألقابها عن ظيقة الصدر سجات
قالت سليت وقلت عقبك سلينا = لكن عقب مالاعنا الحب مرات
قالت شلون وقلت لاتسألينا = مافات فات ولا تفيد الحسوفات
قالت تكلم قلت مهما حكينا = الدمع ماينفع عزيزٍاليامات
قالت نسيت وقلت لامانسينا = لكن قنعنا والقناعه من الذات
قالت أروح وقلت وش في يدينا = روحي عسى في كل خطوه سلامات
بصبر على فرقاك مهما حيينا = ولا تشوه صادق الحب زلات
قالت على ماكنت دنيا ودينا = تكرم ونكرم عن دروبٍ رديات
قلت اسمحيلي قبل لاترحلينا = يم الديار اللي علينا بعيدات
تراي ذخرٍ لاحدتك السنينا = اجيك مهما واجهتني صعوبات
من اليوم اخوك وغيرها ما بغينا = كلي فداك ان صار بالوقت ميلات
وتبسمت بإعجاب مدري حنينا = وتهشمت قدام عيني بعبرات
قالت فمان الله قلت انتهينا = واقفت تكلم نفسها بس بسكات
وقفت تقديرٍ لها ثم مشينا = دربٍ مشوه اهل القلوب العفيفات
امشي واردد ليتنا ماالتقينا = وش جابها عقب السنين الطويلات
/
/
/
قصيدة فراق حزينة و قصتها
أبوصلك وأنـا جنبـك ولانـي قـادر أوصلـك
غريبـة كيـف نتلاقـى وأنـا ويـاك مفترقـيـن
أنـا صابـر ع بعضـك لكـن منتظر كـلـك
حسافة ضعت في بعضك ولا أدري بس اجيك منين
أجيك يمين رحت يسـار اجيـك يسـار وماأدلـك
أضيعك بين لحظاتـي ولحظاتـي تضيعـك بيـن
حنانك صوتك وطيفـك ولابعدهـم يجـي ظلـك
وأنا من ظلك أقرب لـك تخيـل صارلـك ظليـن
غرامك درس في عمري وتهت كثير أنـا بحلـك
ولا أدري منهجك يكفي اذا بدرسه عشـر سنيـن
تبي شاعر تبي مطرب تبـي ألحـان الحـن لـك
أنا راضي الحـن لـك أغانـي قلبـك المسكيـن
لأنك مختلف جدآ ... ومافي مـن البشـر مثلـك
شقارن فيك ويا الناس ..انـت ويـن وهمـا ويـن
واذا ترضـى على ذلـي..أنـا لايمـكـن أذلــك
واذا أنت صرت ابو وجهين انا ماني ابو وجهيـن
مؤدب..محتـرم نفسي..قبـل تذكرنـي قايـلـك
ترا يا (فلان) لاتحاول معي تلعب علـى الحبليـن
انـا مانـي مثـل غيـري تعذبنـي وأصفقـلـك
تبي تواجهني واجهني وسن بسـن وعيـن بعيـن
اجرحني وفارقني ترا احسن لـي وأحسـن لـك
خلني عاد لا تقرب وحتـى اذا بيننـا شبـرين
وهو الحبيب الذي تعرف على حبيبته من مشيتها في مكان عام ومع ذلك لم تعرفه ..!!
ويقول فيها :
شفتها يا سعود صدفه بعد ما غابت سنين *** عند قسم المختبـر وسط مشفى الجامعـه
جيتها ثم قلت ممكن في سؤالي تسمحين *** ناظـرت فينـي بدهشه نظره متواضعـه
قالت انته تـحسبني من بنات صايعين *** تـحسبني في زماني عن طريقي ضايعـه
قلت انا ماراح اطـول كلبوها كلمتين *** وابعـدت عني شويه ثم جتنـي راجعـه
قالت اسال واضح انك من رجال طيبين *** بس هرجك يالسنـافي كان وشهو دافعـه
قلت انا حبيت وحده يـوم كنا صغيرين *** ومن ثمان سنيـن راحت للمواصل قاطعـه
عقبهـا ماذقـت نـوم يهتنيـه النايمين *** ساهر في طول ليلي لين شـمسي طالعـه
اذكر انه فيه حبه فـوق ثغـره من يمين *** واذكر انه لاجـرينا كـن شعـره تابعـه
واذكر انـه عاشـق الورد والياسمين *** وصار قلبي بالـورود اللي عشقهـا زارعـه
طابعا اسمه بقلبي فيه (سين) وفيه (عين) *** وفيه (الف) وفيه (دال) وسط قلبي طابعه >> اسمها منيره
قاطعتنـي بقولها سبحـان رب العالمين *** كـررتـها مـره .. ومرتين .. ورابعه
قلت وشفيك وشبـلاك يابنيه ترجفين *** ليش عينك يابنيـه من كلامـي دامعـه
قالت الموقف وقلبـي والمحبـه والحنين *** كيف اشوفك بعد ماكنـت عنك قانعـه
قلت انا بسألك ان كانك انتـي تذكرين *** عن مواثيـق ثـمنها من حياتـي دافعـه
قالت ظروف الزمان ماتطيـع العاشقين *** بيعونـي غصب حبك لو هو ماني بايعـه
انا في دنياي حالي كنهـا حال السجين *** حتـى لو فكـوا سراحه فيه شي ٍ مانعـه
زوجوني غصب واحد وحرموني حاجتين *** السعاده فـي زمانـي والحيـاه الرائعـه
والحين انا ام لثلاثه ريـم وياسمين *** والولد اسمه على اسمك والمشاعـر جايعـه ...!!
:
:
:
قصيده صاحبها الظاهر انه مات على كلامه في آخر شطر
وكل من نقلها نسبها لشاعر مختلف وشخصية الشاعر غائبه لا يعرفها إلا الشاعر نفسه او من يعرفه ..
وهي قصيدة المعلم اللي يقولون انه تعين في ديرة فيها حبيبته التي تزوجت قبل 8 سنوات
وكان ولدها يقولون انه ابو سبع سنين ( ويدرس في اولى ج ) في المدرسة اللي تعين فيها المعلم
>> نعنبو الحظ إذا نواك بالشر ..
ويقول فيها :
مرت ثمان سنين حل ٍ وترحال *** مرت ثمان ٍ كلها مِدلهمّه
سألت عنها سنين وشهور وليال *** ولا فيه فج ٍ غير وجهت يمه
وبعد الثمان اللي تعبها شقي الحال *** جاب الزمان الكارثة والمطمه
جاني ولدها يبتسم بين الأطفال *** ومن بسمته ذكرت أنا بسمة امه
شفته وصاحت داخلي كل الآمال *** وصوت ٍ عجزت بكتم الأنفاس ألمه
واستلهمت نفسي مقاديم الأهوال *** وتم الضياع ووكدت لي متمه
ساعة حضنته والطفل في يدي مال *** وشميت ريحتها على أطراف كمه
والحين بنت الناس في بيت رجال *** وحب ٍ على غير الشرف لي مذمه
برجع غريب ٍ سكته بر ورمال *** يموت , يحيا , يندفن , مايهمه ..!!
:
:
قصيدة للشاعرة عابرة سبيل (( رحمها الله )) عندما كانت تسير وسط السوق فعرفها حبيبها الغائب ..
وتقول فيها :
مشيت بالزحمه مع الناس بالسوق *** ولا ادري من اللي طق كتفي بمسباح
ادرّج النظرات من تحت ولا فوق *** وشهقت مثل اللي تواجه بالأشباح
غايب ثمان سنين والقلب محروق *** أتلى العهد به تو ما شاربه لاح
واليوم عندي ناحل ٍ بيّن عروق *** وعوارض ٍ على اصفر الوجه واجراح
والله يادمع ٍ تحدر من الموق *** إنه على الموطى من العين لا طاح
يقول لا تزعل من البعد ياشوق *** وانا كما اللي قاضي ٍ منه جراح ..!!
/
/
/
السبت ديسمبر 15, 2012 5:44 pm